Wednesday, December 20, 2006

Мөстлөгийн эрин

Монголд маань хүн чанарын мөстлөгийн эрин эхэлчихэж дээ. Алтантуяа гэдэг бүсгүй Малайзад очоод зэрлэгээр хөнөөлгөхөд түүний өнгөрсөн амьдралаас нь хар бараан, муу муухайг олж сенсаац дэгдээх гэсэн сэтгүүлчид улай харсан хэрээнүүд \Хатуу үгэнд минь бүү эмзэглээрэй, мэргэжил нэгтнүүд минь\ шиг л шаагилдсан. Охиноо алдсан эх эцэг, ах дүүгийн сэтгэл зүрх рүү хэн ч шагайгаагүй. Хэн нь ч үйл явдлыг тэдний нүдээр харахыг хүсээгүй. Биеэ үнэлэгч, худалч, шантаажлагч гээд л ... Малайзын сэтгүүлчид Монголд ирж баримт цуглуулахад нь 10 долларын төлөө талийгаачийг муулсан ямар ч түүх зохиоход бэлэн шаарнууд хөлд нь орооцолдоод л...
Саяхан бас нэг эмгэнэлт явдал тохиолдов. Швейцарийн иргэн Изабелла гэгч бүсгүй гэр нь шатахад хүүхдүүдээ авраад өөрөө угаартан нас барав. 31-хэн настай цэл залуухан бүсгүй монголчуудын гудамжинд гаргачихсан 10 хүүхдийн ээж нь болж, айлын хашаанд гэр, орон сууцанд өрөө хөлслөн монгол маягаар амьдрахын төлөө үзэж дарж, эцэст нь аав ээжийнхээ хүрээд ир, сайхан амар гэж явуулсан мөнгөөр байшин бариулж авч. Гэтэл тэр нь шатаж, өөрөө амь алджээ.
Монголын гадуурхагдсан хүүхдүүдэд тусална хэмээн Швейцарт байсан бүх юмаа зараад Улаанбаатарт ирсэн энэ бүсгүй гологдож нүд үзүүрлэгдэж, эвдэрч замаа алдсан 10 хүүхдийг зөв замд нь оруулж, эхийн хайраар хайрлаж, хүний ёсоор амьдруулж, эцэст нь халуун галаас тоо бүрэн авраад өөрөө гарч амжилгүй гал нурманд даруулжээ. Ганц нэгхэн телевизээр хальт гарсан мэдээ, ганц нэгхэн сонинд янз бүрээр бичсэнийг эс тооцвол энэ талаар чив чимээгүй өнгөрөх бололтой. Зэрлэг балмад үйлдлийн уртын урт жагсаалт өдөр бүр үргэлжлэх атал зориг баатарлагийн ийм жишээ нэн ховор тохиолддог. Монголын төр тэр бүсгүйд баярлалаа гээд хэлчихэд юу нь болохгүй байгаа юм бол оо?
Болохгүйн учир тэр бүсгүй христэч гэдэгт байгаа бололтой. Шал тэнэг юм. Аль шашин шүтэх нь ямар хамаа байнаа? Хүн гэдэг утгаараа тэр бүсгүй дэндүү том гавьяа байгууллаа гэдгийг яагаад олж харахыг үл хүснэ вэ?
Хүний амь гэдэг дэндүү үнэтэй. Олон жилийн өмнө мэргэжлийн ажлаа хийж явахдаа би зовлон гунигийн эмзэг нарийныг яс махаараа мэдэрч билээ. Хөвсгөлийн Байшинтад болсон онгоцны ослын үеэр мэргэжлийн хүмүүс газар дээр нь ажиллаад энэ бол хэдэн жилийн өмнө Завханы Марз ууланд гарснаас том осол гэсэн дүгнэлт хийв. Би сурвалжлагаа энэ дүгнэлтээр гарчиглав. Уг нь баттай эх сурвалжаас авсан хөдөлбөргүй дүгнэлт хэдий ч үүний цаана хүний зовлон, хүний амь бий, эдгээрийг нэг нь их, нөгөө нь бага, аль эсвэл шинэ хуучин гэж ялгаж дугаарлаж болохгүй гэсэн ёс суртахууны бичигдээгүй хуулийг зөрчсөн минь насаараа өөрийгөө зэмлэхэд хүргэсэн билээ. Өдгөө би оюутнууддаа эхлээд чи хүн бол, дараа нь сэтгүүлч бол гэж хэлээд өөрт тохиолдсон энэхүү түүхийг ярих дуртай. Харин сүүлийн үед бид бүгдээрээ хүн биш юм шиг санагдаад байх чинь... Хүн чанар их мөстлөгт нэг автвал ч хэцүү дээ.

8 comments:

Altangereliin Amarsaikhan said...

Хүн болох юмсан, нээрээ. Хүн болж чадаагүй явтал, хадан гэртээ очих болчих юм биш байгаа? Хүн чанар, ичих нүүр гэсэн хоёр үгийг сэтгүүлч бэлддэг бүх сургуулийн хаалган дээр томоор бичиж хадъя.

inga said...

bi setguulchded hairtai

togoruu said...

oird jaahan stresstei bgaamuu daa?
yer n amidralaas hun yu harahiig husej bna teriigee l olj hardag gej neg ug bdg shde. muuhaig n jigsheed l shuun tungaagaad bval muu yumnuud daraalaad l nudend ortood bdg gesn utga boltoi gej bi munhaglasan. harahgui bhiin argagui archaagui dur torhtei hunentseruud ergen toirond bhad taivan bj bolohgui l bga bh, gehdee yaagaachgui ert tamgaa gargaj bolkui shuu gesn. hehe, aavdaa avgai avahiig zaasan bolchih viidee. gesnees ter gadaad busguig orovdchihloo. hunii huvi zaya gej sonin bhiim daa.

Nana said...

ehleed hun bol, daraa ni hen bol-unen ug.Yum bodogduulsan saikhan bichleg bna.
Hun yum yarij bhdaa, busdiig todorhoilj bhdaa uuriiguu hen bolohoo haruulchihdag, hen negniig todorhoilohdoo ter huniig bish, harin uuriiguu durselj bdag gej sanagddgiin, za sedvees dalii zuil yariv boltoi, inchih geed bdgiin,hehe.

Naranbayar said...

Хөөрхий бүсгүй. Төр нь нийгэм нь дуугардаггүй юм бол иргэн сэтгүүлчид нь дуугарах цаг болжээ. Эхлээд ХҮН бол гэдэг үнэн шүү. Диплом цаас хөөсөн өчүүхэн хүн ч их болж дээ.

Mongoljin said...

pooh yiim yum bolood ongorson yumuu... medeegui ybj... heblel medeelleer l baahan hebleliin erh choloo gd bdag neg l ih erhee hamgaalah durtai hunuus tgd yag heregtei gsn medeellee hurgeh yostoi tsagt zugeer neg heleed ongoroh bsih hunii setgeld hurtel n ajillaj chaddaggui l yum bn shdee... setguulch gj helehed uneheer hetsuu l bn...

Зулаа said...

ene gadaad shig hvn ih baigaasai.. =|

Anonymous said...

bodmoor l zvil shvv ..hvn gej hen be? yunii tuld yah gej amidardag ym boloo uuruusuu neg asuugaad vzeerei nzuudaa..zvrh setgeleesei hariulah geheer hariult oldodgvi ym bile,bid nar chin uursduuguu hvn hvn geed l bdag barag amitnaas yalgaagvi boltson ch ym shig..tegtel amitad biy biynee bid naraas ilvv hairlaj bnashd ..